أول قصيده بالعاميه

إشتياق

(أول قصيده بالعاميه) لـ ياسرعلي أبورفاس

 

 

 شنوالوداكي تتاوقي
من طقاق الزكريات
وتتشابي لزولاً بعيد
ومنفي في أقصي فجاج
مسجون متربس في الشقي
مغلول مكبل أمنيات
لمي إمتلكك حنين
عزز أحاسيس وحدتك
وهيج فيك الزكريات
وعيونك ألمن البكاء
ودموعك تترقرق أسي
وإيديك فترن إضطراب
ما بينفع آكوله الشوق الحكاك!
إتصبري ..!؟
مابلل الشوق الوصال ..
ما بدد الشوق البعاد ..
والليل لمي يقبل عليك ويلفك بعباءة وحشتو
وتدمدم روحك حنين
وتتلفحي بغطاء الصبر الرهيف
ومقدود بعمائل الزمن اللئيم ..!؟
لوليوه قلبك لو ينوم ..
ما يتململ الآه والنهاد ...
وخديك ما يجرحن الدمع
وعينيك ما يورمن السهاد ..
ولمي عقابات قدرتك ..
وقدرتك ما تخلي يضنيها إشتياق !
وغمضي ..!
تلقيني رغم المسافه .. بالجد معاك ..!
تلقيني في جفنك
الطيف الخيال .. بونسك ..
نفس الحنين والشجن ..
نفس الشوق والألم
وحراره الأنفاس في حروف ألق الكلام
تلقيني شايلك لسه في جواي فرح
مروي مما في الفؤاد

ياسرعلي ابورفاس

أبوحمد(فبقبه) ــ أم درمان

نوفمبر2013